کیا یہ اصحاب صفہ کا چبوترہ ہے
- کنفیوزن دور کریں
===============================================
IT IS NOT SUFFA CHABOTRA BUT GAURD PLATEFORM
جو بھی مسجد النبوی شریف تشریف لے جاتے ہیں خواہ وہ مرد ہوں یا خواتین وہ روضہ اقدس صلی الله علیہ وسلم کی عقبی دیوار کے سامنے بنے اس بڑے چبوترے جسکے گرد سنہری ریلنگ لگی ہے ، اسکی زیارت بڑے ذوق ارر شوق سے کرتے ہیں اور اس پر نماز پڑھنے کو بھی بہت سعادت تصور کرتے ہیں - اسی وجہ سے اس چبوترے پر عموما'' کافی رش رہتا ہے - مسجد النبوی کے اندر اس چبوترے کو خصوصی طور سے بنایا گیا ہے لیکن اس کے متعلق کچھہ کنفیوزن ضرور ہے -
کیا آپ بتا سکتے ہیں کہ اس چبوترے کا کیا نام ہے اور یہ کیوں متبرک تصور کیا جاتا ہے ؟
================================
جواب حاضر ہے
===========
عموما'' لوگ اس چبوترے کو اصحاب صفّہ کا چبوترا متصور کرتے ہیں جو درست نہیں - یہ چبوترا اصل میں ترکیوں کے دور کا چبوترا ہے ( کچھہ کتابوں میں نور الدین زنگی کا دور لکھا ہے ) جو مسجد النبوی کے باہر ہوا کرتا تھا اور اس پر محافظ بیٹھا کرتے تھے اسلئے اس کو '' گارڈ پلیٹ فارم '' کہا جاتا ہے - یہ چبوترہ رسول مکرم صلی الله علیہ وسلم کی جسمانی حیات مبارکہ میں موجود نہ تھا - واللہ اعلم
اصل میں اصحاب صفّہ کا چبوترا جس کو اسلام کو پہلی درسگاہ ہونے کا شرف حاصل ہے وہ اب مسجد النبوی میں کہیں چبوترے کی شکل میں موجود نہیں - اس اسلامی درسگاہ سے سیدنا ابو ہریرہ اور سیدنا عبدالللہ بن عمر رضی الللہ تعالی عنہما جیسے جید اصحاب علم نے رسول مکرم صلی الله علیہ وسلم سے تعلیم حاصل کی تھی -
یہ صفّہ کا چبوترہ دن میں تعلیمی درسگاہ بن جاتا تھا اور رات میں بے گھر مسلمانوں یا مسافروں کی آرام گاہ - عربی میں صفّہ کے معنی بھی '' چبوترے '' کے ہی ہیں -
یہ چبوترہ اب مسجد نبوی میں چبوترے کی شکل میں موجود نہیں لیکن بہر حال مقام موجود ہے - ایک حقیقت اور بھی ہے کہ مسجد النبوی کی تاریخ میں یہ چبوترہ دو مختلف مقامات پر رہا. مسجد البنوی کی پہلی توسع 7 ہجری میں ہوئی - اس وقت توسیع کی وجہ سے اصحاب صفہ کا چبوترہ ایک مقام سے دوسرے مقام پر تبدیل ہوا۔
